democratic /-à-/ de|mo|cra|tic [AF]
- adi., s.m. che, cui che te azion politiche si ispire e al sosten la paritât di dirits e di dovês dai citadins, che tal lôr complès a son titulârs de sovranitât: il troi dal progrès, in pôc timp, al deventarà un stradon che ducj a podaran cjaminâ sigûrs, viers ideâi plui alts e viers sistemis di vite plui democratics (Tarcisio Venuti, La cjase di Toni); artesans che si son fats iscrivi tes societâts liberâls e che a son di principis democratics e di caratar franc (Guido Antonioli, Florean dal Palaç, I, 1)
- adi., s.m. che, cui che al è membri di un partît che si ispire o che al dîs di ispirâsi ae democrazie: al somee za pront a diestre l'acuardi tra Nova Slovenija, SLS (popolârs) e i democratics di SDS di Janez Janša (Tjaša Gruden, La Italie e "à fat scuele" in Slovenie…)
- adi., s.m. che, cui che al concepìs o si compuarte daûr di principis di paritât, dialic, condivision e v.i., ancje in struturis che a podaressin jessi jerarchichis: la vision "popolâr" e democratiche dal mieç informatîf dai fondadôrs e previodeve la autogjestion di spazis [radiofonics] (Max Mauro, Un Friûl difarent: i 90 mhz di Onde Furlane); [il vescul Battisti] al ere a pene rivât chenti e al ere te fase democratiche o demagogjiche (Antoni Beline, La fabriche dai predis)