decimâ de|ci|mâ [CO, TS]
- v.tr. milit. copâ un soldât ogni dîs tant che cjastì in câs di viltât une vore grave di une unitât: cuant che trupis intieris no fasin il lôr dovê in una bataia o combatiment, che abandonin lis trincieris, ridots, fuartecis e altris puescj, vilmentri e sença vê fat la ultima resistença, o che si rebelin, vegneran decimadis (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera); e doi dîs dopo, sot lis canonadis, ducj in ritirade: là che ju decimavin pe vergogne di sei scjampâts (Alan Brusini, Come tai romançs)
- v.tr. (fig.) causâ la muart di une grande percentuâl di personis, o ancje di bestiis o plantis o ancje la sparizion di tantis robis materiâls o imateriâls: chi di nou, tai secui passâts, une peste a veve decimades la nostes viles (Elio Craighero, Timps e ricuarts)
