custodi
/-ò-/
cus|to|di
[CO]
-
s.m.
cui che al à di viodi che alc o cdn. a restin controlâts o sigûrs:
scampanotant intant vegnin lis vacjis / e il custodi daprûf cul so baston (Enrico Fruch, Madone di Setembar);
il fusîl lu puartin in chista ocasion, come ancja ducj i custodis e patuliis di flanc, simpri in bilança, o pûr in chê maniera che lu puartin i cjaçadôrs (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
(fig.)
cui che al viôt de tutele, de sorevivence, de conservazion di alc, ancje imateriâl:
za mi imagjini chei che si presentin custodis de sientificitât universitarie o custodis de filologjie nostrane unîts a tonâ cuintri di un dizionari che nol jes des lôr academiis (Adrian Cescje, Memoriis di politiche linguistiche)