cussin
/-ìn/
cu|ssin
[AF]
-
s.m.
furniment formât di rivistiment imbotît di lane, plumis o altris fibris o materiâi fofs, par poiâ il cjâf cuant che si polse, par sentâsi parsore e v.i.:
parsore la plete dal linzûl a vevin metût un cussin, e di chê altre bande une cuvierte rosse ben pleade (Carlo Sgorlon, Prime di sere);
si stave cussì ben cuçâts sul sofà larc di sente, cui cussins di lane fofe cu la fodre a grandis riis grisis e celestis (Pieri Somede dai Marcs, Il tinel)
Sin. cussignel
-
s.m.
ogjet o dispositîf di cualsisei materiâl e forme, che al covente par ridusi la pression o la frizion fra altris ogjets o in mecanisims:
par poiâ ben lis botis plenis su lis taiis si doprin cualche volte dai cussins di soreâl (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. cussignel
-
s.m.
composizion di rosis dadis dongje in onôr di un muart tun funerâl:
"[…] une casse maraveose! E l'arbul che al cressarà al fasarà ombrene ancje a lis lapidis dongje!" "E par finî un biel cussin di rosis" (Massim Furlan, La buse)
-
s.m.
(fig.)
cualsisei robe che e coventi par poiâ alc, che al sedi sot di alc e sim.:
siore Rese la poià [la luianie] su la gridele plui largje, parsore di un biel cussin di boris (Maria Forte, La luianie dal Mat di Cost)
Sin. cussignel
-
s.m.
(fig.)
cualsisei robe che e cressi la comoditât, che e ridusi i contrascj e sim.:
al jere dute pâs chel predi; che a viodilu te lûs cuiete dal mezât, la muse plene, la vôs mosside e la cjaladure turchine, al dave cussins a la anime (Maria Forte, L'aventari pal barcon)
Sin. cussignel