cuistionari
/-à-/
cuis|ti|o|na|ri
[AF]
-
s.m.
schirie di domandis su cierts argoments proponude a di une o a plui personis, massime par valutâ capacitâts, cognossincis, atitudins e aspirazions personâls o par tirâ dongje dâts:
si puedin invezit analizâ plui tal detai i risultâts dal cuistionari anonim che al è stât distribuît ai students prime dal inizi de sperimentazion e dopo de sô conclusion (Carlo Cecchini, Matteo Fogale, Une esperience di plurilinguisim inte didatiche de matematiche);
tecnichis sociologjichis mancul rafinadis ma une vore plui economichis e dopradis come il cuistionari postâl o la interviste telefoniche (Linda Picco, Ricercje su la condizion sociolenghistiche dal furlan)
Var. cuestionari