cuint
/-ì-/
cuint
[FO]
-
adi.num., pron.num.
che intune serie, intune progression al sta intal puest numar cinc:
la memorie, cuinte des cinc parts de retoriche, cul passâ dai secui si cjamà di funzions e di valencis filosofichis, teologjichis, pansofichis (Mario Turello, Il brevet);
e je la cuinte volte che graciant Idiu si cjatìn, ducj i emigrants de Svuizare e di fûr de Svuizare, culì in cheste basiliche de Madone di Einsiedeln (Francesc Placerean, L'unic concuardât che la glesie no po rinunziâ al è chel cu la sô int)
-
metût daspò dal non di un pape o di un sovran, massime in numar roman, par segnâ che te stesse sucession za in cuatri a àn vût o doprât chel non:
za tal Setembar dal 1420 il pape Martin V al mandà une ambassade a Vignesie domandant che il Friûl al vignìs tornât al patriarcje (Josef Marchet, Cuintristorie dal Friûl fin sot la Italie)
-
secul che al tache cul an cuatricent:
il Templi di Zeus [a Olimpie] al fo costruît tal V secul, tra il 470 e il 456 p. di C., in buine part cul botin di vuere pe vitorie dai Eleus cuintri i Pisats (Adrian Cescje, Viaç aes origjins dal Logos)
-
doprât par componi altris ordenâi:
la façade in stîl gotic dal XV [decim cuint] secul dal Domo di Manià (Gian Carlo Menis, Storie dal popul furlan)
-
s.m.
ognidune des cinc parts compagnis che al è divisibil un numar intîr:
un cuint de popolazion mondiâl al gjolt dal 75% dal redit anuâl di dut il planet e il cuint plui puar si contente dal 2% (Roberto Muradore, Disavualance e puaretât)
-
adi.num.
che al è frazion di un intîr dividût par cinc:
su la ricolte, o varês di dâi al faraon la cuinte part, e chês altris cuatri parts us restaran a vualtris (Antoni Beline (trad.), Biblie)