cuesture
/-tù-/
cues|tu|re
[CO, TS]
-
s.f.
stor., dir., burocr.
incjarie di cuestôr
-
ufici di cuestôr, cu la sô sede, cui siei mieçs, cul sô personâl:
simpri plui dispès i vignive voie di lâ a cjace. In cuesture a Udin no i faserin dificoltâts par dâi la licence, e cussì al podè lâ a cjoli il so vecjo dopli (Carlo Sgorlon, Prime di sere);
"E cumò ducj a crodaran che sedi stade jê… Marie Sante! se ven a savêlu la cuesture!" (Pieri Somede dai Marcs, Cjase di fitâ);
subit si capìs che [te manifestazion] e vignarà un slac di int e alore si movin la cuesture, i carabinîrs e la Digos (Igor Londero, Cuintristorie dal taramot)