cuchil /cù-/ cu|chil [CO]
- s.m. puest dulà che si fâs di mangjâ, e in câs dulà che si mangje, in struturis coletivis tant che fornâs, fabrichis, cantîrs, cjamps militârs, di presonie e v.i.: une svuacarade di mans intal maltâr e vie di corse tal cuchil. Une polentone alte come une mont, zale, mâl sfarinade e cualchi volte crude, e fumave su la taule (Pieri Menis, La scuele dai fornasîrs); polente e formadi di barîl, trê voltis in dì. Une polente ruspie, dure e scuasit sence sâl, che Santo Picîl ti deve dongje tal cuchil, suntune taulone che no finive plui (Osiride Secco dai Juris, Tarcint di une volte)
