cuatricent
/-è-/
cua|tri|cent
[AF]
-
s.m.
numar che al corispuint a cuatri centenârs e segn che lu rapresente
-
adi.num., pron.num.
in cuantitât di cuatri centenârs di unitâts, ancje cun valôr sostantivât o cun sostantîf sotintindût:
si tachin a fâ sù une sdrume di cjasis che tai prins agns Setante a son almancul cuatricent (Rino Gubiani, Studi da la evoluzion dal paisaç mediant i toponims);
o i miei antenâts no son stâts bogns di nuie, nancje di cuistâ un cjamp in cuatricent agns, o che invezit i vuestris antenâts […] par cuatri secui ur àn tignût il pît sul cuel (Riedo Pup, I furlans e i parons);
"Trop svelte corie une machine? Cent? Cent e cincuante? Dusinte? Ma un tren! Ancje a tresinte, a cuatricent, a cinccent…" (Stiefin Morat, Donald dal Tiliment)
-
adi.num., s.m.
ancje cun valôr di ordenâl o identificatîf intune serie o intune categorie
Sin. sîscentesim
-
s.m.
[BF]
an 400, in gjenar intindint dopo di Crist
-
[BF]
massime cun iniz. maiusc., secul V dopo Crist, ancje cun sens aprossimatîf, plui in riferiment ae ete caraterizade di fenomens storics, artistics e culturâi che no a une dade di agns precise:
il pape al scomence, sul tacâ dal Cuatricent, a mandâ cualchi epistule al vescul di Aquilee par clamâlu al ordin, par invidâlu a ubidî (Sandri Carrozzo, "Tata, ma chês a son stelis")
-
[FO]
massime cun iniz. maiusc., secul XV dopo Crist, ancje cun sens aprossimatîf, plui in riferiment ae ete caraterizade di fenomens storics, artistics e culturâi che no a une dade di agns precise:
a cjaval tra il Cuatricent e il Cinccent la nobiltât furlane si cjate dividude in dôs fazions (Carli Pup, Il Friûl de Joibe Grasse dal 1511);
Te glesie di S. Laurinç in Mont di Buie o vin un Cicli marian forsit za dal Cuatricent (Bepi Agostinis, Storie de art in Friûl)
-
s.m.pl.
[TS]
sport
specialitât de corse o dal nadâ su la distance di cuatricent metris:
la finâl dai cuatricent
Sin. cuatricent metris
