cuarnâ1 cuar|nâ [CO]
- v.intr., v.tr. [BF] sunâ il cuar
- v.intr., v.tr. di ciertis bestiis, tant che corvats, çoris, crots, 'savis o altris, fâ un viers fuart: [il corvat] al svolà vie cuarnant come se al ves nasât un cadavar (Catarine Percude, Il cjan blanc di Alturis); i crots a cuarnavin tes gnots di lune (Dino Virgili, La aghe da pît la cleve); la place e je dute un davoi: il cuarnâ di razis e gjalinis si misture cul businâ dai marcjadants (Raffaele Serafini, Soreli jevât a mont); o din reson ai corvats dal malauguri che a cuarnin il faliment des autonomiis! (Josef Marchet, E cumò?)
- v.intr., v.tr. zigâ fuart o dî alc a fuart: [lis massariis] sberlin, zighin, urlin, tufin / disin robe del infiar; / tovin, rutin, rugnin, sbufin, / cuarnin plui di un peçotâr (Toni Broili, Academie des massariis); intune cjase a sberghelin, in chê altre a blestemin; ca un om al tontone, là une femine e cuarne cjantis di caserme biel che e lave la massarie (Josef Marchet, Lis predicjis dal muini)
- v.intr., v.tr. vaî a fuart o zigâ e vaî insiemi: [il frut] al smalite tal braç de mari e al scomence a cuarnâ disperât (Meni Ucel, Tirâ sù fruts); a fuarce di cuarnâ par fente, i jerin vignudis jù lagrimis veris (Amedeo Giacomini, Tal ospedâl)