cuardade /-dà-/ cuar|da|de [CO]
- s.f. sport cubie o grup di plui personis che a fasin une scjalade o une altre ativitât alpinistiche insiemi, sigurantsi cu la stesse cuarde: in 20 dîs, e à scjalât trê dai 14 «Vot mil de tiere» (Gasherbrum II, Gasherbrum I, Broad Peak): e je stade la seconde cuardade a realizâ alc dal gjenar e la Meroi, e je stade la prime femine in assolût, te storie dal alpinisim (Oscar Puntel, La nêf: il so destin za tal non); lâ sù di prin, dopo di lui al ven il zovin e par ultin il so amì, che al siere la cuardade (Cristina Noacco, Faliscjis)
- s.f. (fig.) grup di plui sogjets che a colaborin par rivâ a un obietîf: il "no" rivât dal Consei di Stât austriac rispiet al colegament [di eletrodot] proponût de cuardade Pittini-Fantoni-Burgo (David Zanirato, Bataiis di Cjargne: i comitâts che (a voltis) a vincin)