Dizionari de Lenghe Furlane

crosade²  /-à-/  cro|sa|de  [CO]

1. s.f. stor. ognidune des spedizions militârs bandidis de Glesie cuintri dai musulmans o cuintri di altris infedêi o eretics, massime tra il secul XI e il secul XIII:  1095: a tachin lis spedizions armadis in Tiere Sante (Crosadis) par liberâ il Sepulcri di Crist (Pier Carlo Begotti, Federico Vicario, Peraulis di chenti); [i doi teis] ju vevin plantâts doi inamorâts pal significât di stâ simpri insieme; ma lui al partì par une crosade e une dì il so tei si secjà: al jere muart lontan (Dino Virgili, Avôt di amôr a Moruç)
2. s.f. (fig.) azion militâr, o ancje azion publiche o campagne sociâl par fins che a vegnin cuvierts di sacralitât:  il mont intîr cuintri dal terorisim. E je la gnove crosade, che e viôt il mont dal ben e de libertât cuintri dal mont dal mâl e de barbaretât (Antoni Beline, Terorisim di stât)