cronologjie /-ì-/ cro|no|lo|gji|e [CO]
- s.f. studi che al cîr di fissâ i rapuarts temporâi tra i fats storics: de bande de cronologjie [de formazion di un bloc di lenghis romanichis cun declinazion bicasuâl], al è ancjemò masse adore par meti jù i tiermits chei ultins (Zorç Cadorin, Cualchi ipotesi sul furlan di prin di scrivilu)
- s.f. sucession temporâl di cierts fats: par via di maladreta cronologjia, nol po essi stât Montale a copiâmi me; si che duncja i ai di vêlu copiât jo (Giorgio Ferigo, In forma di peraulas…)
- s.f. opare, o ancje part di opare o rapresentazion schematiche, che a descrivin i fats daûr di un ordin temporâl: une trentine fra fotografiis e dissens, une schede par cui che al vûl savênt di plui, une bibliografie e une cronologjie detaiade (dal IV secul fin ae muart di Pauli, intal 799) a inricjissin il studi (Laurin Zuan Nardin, Roberto Iacovissi, Il popul di Pauli di Warnefrit, Merêt di Tombe 2006)