croniche
/-ò-/
cro|ni|che
[AF, TS]
-
s.f.
let., stor.
ancje ta pl., ancje tal titul di oparis storiografichis, forme di narazion storiche componude di informazions scritis in ordin cronologjic cence nissun coment:
cronichis e documents a tratin dome di chês robis [vueris e fats dai potents], parcè che la vite ordenarie de int, il so lavôr, lis sôs gjondis e i siei dolôrs, par solit, no interessin ae storie (Josef Marchet, Cuintristorie dal Friûl fin sot la Italie)
-
s.f.
gjorn.
rindicont gjornalistic di setôr specific:
un gjornalist al sarà presint, cul librut des notis e un lapis gnûf, a tirâ jù il non e sorenon des plui zintîls balarinis e dai cavalîrs plui morbinôs, par puartâju su la croniche de provincie (Josef Marchet, Lis predicjis dal muini);
Il sfuei Friuli d'Oggi al fâs la croniche dai grancj events de Filologjiche, des sôs assembleis (Adrian Cescje, Memoriis di politiche linguistiche)
-
part dal gjornâl li che si descrivin i fats plui interessants dal dì:
pagjinis di atualitât e di croniche minude (Antoni Beline, Stradis gnovis par une stesse identitât)
-
setôr de redazion che al trate i fats plui interessants dal dì
-
s.f.
descrizion di un fat intai particolârs:
[il libri "I segreti del Tagliamento"] al è la croniche dal so viaç in bici dilunc dal flum (Serena Fogolini, I segrets dal Tiliment)
-
s.f.
complès dai fats plui o mancul impuartants di ogni dì:
cuant che la croniche di ogni dì e devente storie, si scuen tamesâ ce che lis trê provinciis furlanis a àn fat, sedi ben che mâl, pal Friûl (Walter Tomada, Cungjò, Provincie di Udin!)
