Dizionari de Lenghe Furlane

cravuat¹  /-àt/  cra|vuat  [CO]

1. adi., s.m. de Cravuazie:  Graziadio Isaia Ascoli, inventôr di cheste denominazion, al voleve cjapâ dentri dute la zone adriatiche storichementri apartignude a Vignesie, vuê slovene e cravuate (Dree Venier, Precisazion)
   
   1. che, cui che al è nassût o che al è a stâ in Cravuazie:  Maša e Marko, fruts cravuats, i plui vîfs di chel arc di rive, a svuataravin te aghe dîs voltis in dì, ridint e cjantant e berlant (Agnul di Spere, Int no consumade)
   2. [TS] ling. lenghe slave meridionâl tipiche de Cravuazie:  "Daj te malo kruha druze, malo kruha, malo krompira", i dan dentri cul cravuat, "dami un toc di pan, compagno, o magari une patacje" (Ivano Urli, Storie di Min)