corsie
/-ì-/
cor|si|e
[CO, TS]
-
s.f.
autom.
part di strade dulà che e pues stâ une file di veicui che a van de stesse bande, un daûr di chel altri:
mi visi che par strade, a viodi chei fanâi su la mê corsie, o spietavi che a tornassin dentri, e spietavi, spietavi… e nuie, al è rivât il bot che no mi soi nancje inacuarte (Raffaele Serafini, Altris contis di famee);
no plui superstrade gratuite a 2 corsiis, ma autostrade a paiament a 4 corsiis (Stefania Garlatti Costa, Cimpel-Glemone. La storie dal progjet)
-
s.f.
passaç jenfri plui puescj o setôrs o elements, soredut in teatris, cines, magazens e v.i.:
la meditade disposizion de simbologjie astrâl, che si distindeve in verticâl dilunc lis corsiis [dal Teatri de memorie] (Mario Turello, Il brevet)
-
striche di tiessût, tant che un tapêt, che al cuvierç chel passaç:
sul paviment a jerin tapêts e corsiis (Carlo Sgorlon, Il dolfin)
-
s.f.
sport
ogni sezion di piste di atletiche risiervade par un coridôr
-
ogni sezion di pissine risiervade par un nadadôr
-
s.f.
med.
cjamare di ospedâl grande, che e da acet a tancj malâts:
nol voleve restâ di bessôl cun se stes, nol fo piç content. Al fasè di dut par fâi capî al primari che al varès vût miôr la corsie, ma dibant (Amedeo Giacomini, Tal ospedâl)