corolari /-à-/ co|ro|la|ri [CO, TS]
- s.m. stor. gratifiche straordenarie, in forme di corone di aur o di arint, che a Rome antighe si ur deve ai atôrs
- s.m. logj. proposizion che si rigjave di une veretât za dimostrade e che duncje no à bisugne di une dimostrazion specifiche
- s.m. mat. teoreme che si dedûs in maniere direte di un altri teoreme za dimostrât, e che duncje nol à bisugne di jessi tornât a dimostrâ
- s.m. (fig.) element che al è une consecuence direte o che al è leât a strent cun alc altri: timp che al è destinât a no durâ, cussience de vanitât des robis, ripetude alusion al teme de muart cui siei corolaris: la provisorietât de condizion umane, la inutilitât dai sfuarçs […] (Ana Piorar, La Mitteleurope di Pellis)
- s.m. (fig.) concet che al ven presentât come veretât che no à bisugne di jessi dimostrade e che al fâs di fonde a un resonament: «Il corolari des nestris tesis - al à sclarît Cecotti - e je la aleance cu lis esperiencis regjonâls che a palesin une culture de modernitât e dal autoguvier analighe. Chest al motive il nestri sopuart a Illy, che però nol è une gambiâl in blanc». (Mario Zili, E nas "Convergjence pal Friûl")
- s.m. (fig.) cuantitât di elements leâts tra di lôr: chel mont al sarà ancje stât inceôs inte sô semplicitât e essenzialitât che, cumò, a son pierdudis par simpri. Ma i poetis (ducj i doi, il venit e il furlan) no discognossin il corolari di patiments e di fadie e parfin di umiliazion che al veve cun se (Laurin Zuan Nardin, Andrea Zanzotto, Amedeo Giacomini, "Mistieròi / Mistirúts", Pordenon 2012)