Dizionari de Lenghe Furlane

contrafâ  con|tra|fâ  [CO]

1. v.tr. imitâ alc in maniere di fâ un fals, fâ alc che si somee cun alc altri, ma che nol è autentic:  la identificazion che e pues caraterizâ i vins di chestis tieris e je il strument par diferenziâ lis produzions, di mût che no vignedin contrafatis (Enrico Peterlunger, Storie curte de vît in Friûl)
2. v.tr. riprodusi in maniere imperfete, falade, vuastade:  tu po che la sante imagjine / di me stes espresse in te, / tu âs cun empie balordagjine / contrafate a to plasê / ti condani in tiare oziose / a pan mol dal to sudôr (Toni Broili, La cjadude di Adam)
   
   1. mudâ l'aspiet, cambiâ soredut in piês:  dut chest al à lavorât a savoltâ i borcs, che a son stâts contrafats te lôr forme urbanistiche (Gianni Gregoricchio, Int di borc)