contraditori
/-tò-/
con|tra|di|to|ri
[CO]
-
adi.
di plui elements, che a son in contrast un cun chel altri:
o sin in presince di iniziativis culturâls politichis fra di lôr contraditoriis (Riedo Pup, Furlan jo mame! Triveneto tu frut)
-
che al à elements che a son in contrast tra di lôr, che nol à coerence:
in sostance Mirco, ancje se contraditori, al jere un om atîf e positîf (Alan Brusini, Par stradis lungjis);
dispès i mudaments a son fats in forme contraditorie, un pas indevant, un cessecûl e trê in bande (Sergio Cecotti, Un federalisim di cjarte no nus baste afat)
-
s.m.
discussion, in gjenar publiche e formâl, li che dôs o plui personis a presentin argoments contraris tra di lôr suntune cuistion:
fin chi la posizion di bons. Corgnali… al sarès stât biel scoltâ un contraditori par cognossi ancje ce che al varès rispuindût pre Antoni (Christian Romanin, Cirint lis olmis di Diu, vol. 5)