Dizionari de Lenghe Furlane

contingjent  /-ènt/  con|tin|gjent  [CO]

1. adi. che al sucêt, che al è intun ciert moment, intun ciert lûc, intune cierte situazion daûr di dinamichis plui o mancul casuâls:  masse di lôr si disin autonomiscj dome su cuistions particolârs, contingjentis, personâls o fintremai corporativis (Marc De Agostini, Adrian Cescje, Rispueste al editoriâl di Dree Valcic su La Patrie di Otubar 2012)
   
   1. s.m. complès des robis che a son plui o mancul casuâls o che a dipendin di causis pôc impuartantis:  jê si cîr intun colocui afetuôs cun se stesse di une volte, tun sutîl e preseôs gjoldiment dal plasê dal ricuart che al tapone la smare dal contingjent, da lis cjossis di ogni dì (Gotart Mitri, Il "Satûl" di Jacumine De Michieli)
2. s.m. [TS] milit. cuantitât di oms e di mieçs impegnâts intune zone o par une cierte operazion militâr:  sul finî dal II secul e fintremai al III secul, Rome e impon che i popui sometûts a furnissin contingjents di trupis ausiliariis insuazadis e comandadis dai gjenerâi romans (Fabian Ros, La invenzion dal stât)
3. s.m. cuantitât di personis destinade par une cierte funzion o par une cierte dinamiche:  tal mês di Dicembar dal 1934, un decret reâl al stabilìs un contingjent percentuâl di lavoradôrs forescj par ogni setôr di ativitât (Francesco Micelli, La emigrazion dal Friûl - Vignesie Julie te Belgjiche)