continent /-ènt/ con|ti|nent [AF]
- s.m. ognidune des grandis estensions gjeografichis e antropichis che si considere dividût il planet, vâl a dî, daûr de concezion plui difondude, Afriche, Americhe, Antartide, Asie, Europe e Oceanie: e fo grande la mê sorprese cuant che la Tiere le viodei dal alt, cun dutis lis formis dai continents (Checo Tam, Sense); la idee da la indipendence nazionalistiche, dopo di vê mandât a fruçons chest continent, dopo di vê semenât il tuessin dai odis tra i popui e il malan des vueris a ripetizion, e je rivade sul ôr dal faliment (Josef Marchet, Su altris fondis)
- s.m. la tiere ferme in contrast cu lis isulis: fûr dal continent, i unics che a savevin alc, che a savevin lei e scrivi e che a jerin in grât di conservâ un tic di culture classiche, a vignivin de Scozie e da la Irlande (Francesc Placerean, La nestre storie)