consul /cò-/ con|sul [CO, TS]
- s.m. stor. te Rome republicane, ognidun dai doi magjistrâts che a vevin il podê suprem e che a restavin in cjarie un an: e jere la "via Postumia", che il consul Postumius Albinus al ordenà di costruî ator dal an 148 prin di Crist (Agnul di Spere, Cjasteons di Strade)
- s.m. stor. magjistrât suprem o cun podê une vore alt ancje in altris realtâts storichis e ancje no in cubie
- s.m. dir.intern. diplomatic che al fâs funzions di rapresentance e che al tutele i interès dai citadins intune citât impuartante di un stât forest: "[…] a Vignesie a àn butadis tal cjanâl lis stemis dal consul muc! Ah, puare Italie, in ce mans! …" (Dino Virgili, La aghe da pît la cleve)