consolâ
con|so|lâ
[AF]
-
v.tr.
judâ a sopuartâ une situazion negative, dâ afiet, calme, sigurece e v.i.:
e veve dongje se une sô fie cence maridâ, ancje chê simpri malade. Lis trê cugnadis procuravin di consolâlis cul lôr afiet e cu la lôr continue assistence (Catarine Percude, La brût);
nol esist un om vonde disgraciât par che Crist no lu consoli! (Francesc Placerean, Crodi e mût di crodi)
Sin. confuartâ
, rinfrancjâ
-
v.tr.
produsi sintiments di gjonde e ligrie:
dut ce che al ven fat cun onestât e sinceritât a pro dal Friûl mi console (Redazion La Patrie dal Friûl, Il motôr e il penâl)
-
dâ une sensazion positive:
al pâr che al sei dibant, ce che al è di soreplui, ma nol è vêr… Al console i voi e ti da la buine ilusion di plui bondance (Maria Forte, Cjase di Dalban);
a Zeà, tal nestri sotpuarti, vie pal Istât al tirave simpri un aiarin che al consolave (Pieri Menis, Sot il puarti)
-
v.tr.
(eufem.)
vê relazions sessuâls:
al lave slengant la Margarite, muîr di chel puar beât di Beput che, la volte che al sudorave su la fornâs in Carintie, a 'nt consolave e si consolave cun cuatri di lôr (Meni Ucel, Pensâ mâl)