Dizionari de Lenghe Furlane

confrontâsi  con|fron|tâ|si  [AF]

1. v.pron.intr. jentrâ in paragon, in comparazion:  pas dopo pas, a son vignudis a formâsi e a confrontâsi trê storiis di feminis: chê di mê none, che di mê mari e la mê (Gianni Gregoricchio, Trê feminis); lant sù cui agns si confrontave a so pari (Alan Brusini, Par stradis lungjis)
   
   1. jentrâ in dialic, in confront di ideis, opinions, esperiencis e v.i.:  i vevo tacât a cjaminâ viers cjaso. "Aloro? Bon viaç?". A i cjaminavo cenço spiâsi te muso, cuasi spaventâts di confrontâsi dopo tant timp (Fulvio ReddKaa Romanin, Geologicamente impossibile); si sa che lis culturis si evolvin, a cressin e a puedin ancje miorâsi studiantsi e confrontantsi une cu la altre (Riedo Pup, Delincuents si devente); al jere simpri pront e ferbint tal cjapâ dentri int, plen di voie di confrontâsi e di resonâ (Giorgio Cavallo, Mandi Siôr Paian)
2. v.pron.intr. vê part intune competizion:  lis dôs scuadris si confrontaran intun scuintri diret pe salvece
   Sin. frontâsi
   
   1. vê a ce fâ cuntune esperience o cuntune realtât che e domande un sfuarç, un impegn, un adatament e v.i.:  la fin de esperience dal Grop e rive tal 1996, intun moment storic che al viôt la radio confrontâsi cun mudaments fuarts inte societât furlane (Max Mauro, Un Friûl difarent: i 90 mhz di Onde Furlane); devant de logjiche frede des mês argomentazions, e à vinçût la sô passion, la sô capacitât e la sô voie di confrontâsi cuntune opare tant che la Divine Comedie (Sandri Carrozzo, Note dal curadôr ae traduzion dal Infier di Dante)