condutôr
con|du|tôr
[CO]
-
adi., s.m.
(ancje fig.)
che, cui che al condûs, che al mene:
a montin a cjaval e si butin su la code de formazion: i cjars cu lis provisions che a son plui lents. A massacrin i condutôrs dai cjars (Diego Navarria, La bataie di Bant di Morsan);
il soldât al devi vê dut la confidença nei so superiôrs, e considerâju come amichevui maestris, condutôrs e capos (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
-
s.m.
cui che al puarte indevant une ativitât produtive, soredut agricule
-
s.m.
cui che intune trasmission radiotelevisive o intun event public al introdûs i ospits e i contignûts, al comente, al indrece lis conversazions intune cierte maniere e v.i.:
tor dal 1983 al è stât un ricambi tai condutôrs [a Radio Onde Furlane], a son lâts vie chei plui dongje al rock progressîf e e je rivade int plui interessade ae new wave, al punk (Max Mauro, Un Friûl difarent: i 90 mhz di Onde Furlane)
-
adi.
di materiâl, che al permet il passaç di energjie:
la riflession no polarizade di bande di superficiis di metal e je leade ae lôr proprietât di jessi materiâi condutôrs (Marisa Michelini, Alberto Stefanel, La polarizazion de lûs)
-
s.m.
materiâl che al permet il passaç di energjie:
se ven une saete jù dal cîl / e si sbroche pal plui su un cjampanîl; / e par chest, cul mio assens un professôr / l'ûl meti a mê muîr il condutôr [la femine di Çorut e veve cognon Cjampanîl] (Pieri Çorut, Il condutôr)