comugne
/-ù-/
co|mu|gne
[CO]
-
s.f.
tiere de comunitât, pal solit di prât, bosc o palût, che e pues jessi gjoldude di ducj daûr di normis consuetudinariis:
"A àn decidût di meti a la aste i terens e lis comugnis, che ur spietin ai puars, cence nancje consultânus…" (Alviero Negro, Int di masnade);
i furlans a àn pierdût lis comugnis, i terens a conduzion coletive di passon e bosc che a davin di vivi a ducj: la Serenissime ju à metûts in vendite come se a fossin siei (Enos Costantin, Vins di altrò, vins di chenti e vins di algò)
Sin. comugnâl
Var. cumugne