compressôr
com|pre|ssôr
[CO, TS]
-
adi.
(ancje fig.)
che al met sot pression, che al frache
-
adi., s.m.
(fig.)
che, cui che al fâs une opare di pression, di contigniment, di repression:
se [l'arcivescul] Rossi al è stât il grant antagonist e compressôr de Benecija, nol è stât di mancul Nogara (Antoni Beline, La lungje gnot de Slavie furlane)
-
s.m.
tecn.
veicul cuntun cilindri une vore pesant devant, che al covente par pressâ materiâi, soredut te costruzion des stradis:
mi soi insumiât di jessi a Idrie a vore par Nando Cescje, suntune strade di montagne. O jeri che o comandavi un compressôr (Papin, Paîs)
-
s.m.
tecn.
imprest a motôr che al covente par produsi e liberâ aiar sot pression:
batariis e compressôrs par martiei pneumatics a son stâts doprâts ancje par vierzi o inlineâ a man lis valvulis dai circuits idrics (Alessandro Pascolini, Il disastri de centrâl nucleâr di Fukushima Dai-ichi)