competitîf
com|pe|ti|tîf
[CO]
-
adi.
che al è animât dal spirt di competizion, de volontât di vinci o di jessi miôr di chei altris:
mi soi svicinade ae ultramaratone, la gare juste par me, che o soi competitive e o ai gust di cori (Erika Adami, Elena Fabiani, la ultramaratonete che e sfide i limits corint par 24 oris)
-
che al funzione cuntune dinamiche di competizion, di confront concorenziâl jenfri plui sogjets:
la incressite dai coscj de radiofonie intune dimension simpri plui competitive (Max Mauro, Un Friûl difarent: i 90 mhz di Onde Furlane)
-
adi.
che al à cualitâts che a permetin di stâ sul stes nivel o ancje suntun nivel parsore di altris elements intun confront, soredut economic, comerciâl, tecnic e v.i.:
la strategjie di Lisbone e prevedeve «di fâ de Europe, dal 2000 al 2010, l'economie plui competitive e dinamiche dal mont» (Luigi Scandella, Puedie cressi cheste Europe?);
permeti aes nestris impresis di jessi competitivis su ducj i marcjâts (David Zanirato, L'aur de mont, robât dai forescj)
