comissari
/-à-/
co|mi|ssa|ri
[AF]
-
s.m.
funzionari sorestant de aministrazion straordenarie di istituzions e organisims cun competencis che pal solit ur tocjin a organisims colegjâi:
a àn scugnût insediâ di gnûf il comissari straordenari Zamberletti che al veve molade la vore une volte finît il so prin mandât leât ae emergjence di Mai (Igor Londero, Cuintristorie dal taramot);
il Consei dai ministris al à declarât il stât di emergjence e nomenât comissari il president Renzo Tondo (Renzo Balzan, Se e ferme la cartiere la Cjargne e mûr)
Sin. delegât
-
s.m.
membri di une comission:
tant che coordenadôr de Comission, o ai cjapade la peraule par proponi ai comissaris di cjatâsi la dì sucessive inte sede dal Istitût di filologjie romanze de Universitât di Udin (Adrian Cescje, Memoriis di politiche linguistiche)
Sin. membri1
-
s.m.
grât plui alt dai funzionaris dirigjents de polizie:
nol tignì a ments il non, ma dome il fat che al jere comissari de brigade criminâl (Fabian Ros, Un piçul particolâr);
Andrea al ero stât ricanossjût de memorio fotografico dal comissari Cecotti come suspietât di terrorismo (Fulvio ReddKaa Romanin, Geologicamente impossibile)