combustibil /-tì-/ com|bus|ti|bil [CO]
- adi. di sostance, che e pues brusâ
- s.m. sostance che e pues brusâ, che intune combustion si osside e e mande fûr energjie termiche: vi favelerìn in ristret solamenti dei boscs, che unissin insieme dôs providencis: il combustibil e il legnam par lis fabrichis (Federigo Comelli, Il me paîs); si vûl rivâ a une riduzion drastiche dai consums dai combustibii fossii (Erika Adami, Friûl cence progjet e direzion. Ma la sperance di avignî si pues tornâ a fâ sù)
- s.m. sostance che e da energjie ancje in procès li che no je une ossidazion: de unitât 4 al jere stât gjavât dut il combustibil [nucleâr] e il reatôr al jere jemplât di aghe (Alessandro Pascolini, Il disastri de centrâl nucleâr di Fukushima Dai-ichi)