comari
/-à-/
co|ma|ri
[AF]
-
s.f.
femine che di profession e jude lis parturientis:
il timp di Modestute al spirà une dì che al jere ancjemò scûr. […] La comari, corude, le à fate puartâ di corse tal ospedâl (Pieri Menis, Cui si jerial impaçât cun Modestute?);
Vera me visi di simpri. Il gno curtîl di Jacuç al da sul so di Malin. Cuant che o soi nassût par mans de comari di Listize, e jere dongje ancje jê (Ivano Urli, Storie di Vera)
-
s.f.
femine che e ten un frut a batisim o che lu compagne ae cresime o che e fâs di testemonie a gnocis:
"[…] vignît ca; contaitmi de vuestre famee, di mê comari" (Pieri Somede dai Marcs, Gnot di Nadâl)
-
(fig.)
femine che e jude o che e da protezion:
in chel part dolorôs ma esaltant, pal moment politic e economic, Marie [Del Fabro] e à fat di comari [ae Patrie dal Friûl] (Antoni Beline, Marie Del Fabro Marchi, une mari pe "Patrie")
-
(fig.)
ancje riferît a une amie, a une vicinante, a une femine de stesse classe o a cualsisei femine:
la femine si met di impegn e lis cuei [lis pernîs] cussì pulît che a nasavin bon par dut il borc. E capite a cjatâle sô comari e i dîs: "Oh, comari, ce bon odôr!" (Popolâr - Andreina Nicoloso Ciceri, Lis pernîs - Racconti popolari friulani I);
la Dosche, che i jere amie, visantsi che e lave indenant ogni dì a cjoli anguriis un biel moment i domandà: «Comari no ti parial di comprânint e mangjânint masse?» (Meni Ucel, Scussis);
spietait un marilamp, comari Bete, prime di scjampâ (Josef Marchet, Lis predicjis dal muini)
-
s.f.
(fig., spres.)
femine peteçone:
a cjatavin tal stes timp ancje il mût di pichignâsi, di stiçâsi, di cjapâ da dî al pâr di dôs comaris che si disin la porche e po a tornin, daspò cinc minûts, a contâsi e a cisicâsi l'ultin peteç (Franca Mainardis, Aiar di cjase);
no i lave di pierdisi in babeçs cu lis comaris (Angelo Floramo, Il vignâl dal miracul)
Sin. babe
, babisse
-
ancje om che si intrighe dai fats di chei altris e ju pant ator:
no stâ a fidâti di lui che al è une comari (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
