comandament
/-ènt/
co|man|da|ment
[CO, TS]
-
s.m.
religj.
precet divin cjapât tant che norme morâl e religjose dai fedêi di une religjon:
te glesie a son i comandaments principâi e a son altris che a son mancul principâi. A son i precets fondamentâi de glesie, a son i misteris principâi de fede, a son i sacraments, a son altris robis che la glesie e po cjapâ tun determinât moment (Francesc Placerean, La Glesie e à di lassâ i popui come che a son e fâur di levan seont la lôr paste)
-
tal ebraisim e tal cristianisim: ognidune des dîs leçs che Diu al varès detât a Moisès su la mont Sinai; tal pl. il decalic fat di chestis leçs:
il santificâ la fieste nol è un consei o un invît butât là a ûs prionte par cui che al vûl jessi perfet, ma un comandament precîs e vincolant par ducj, scarpelât al tiarç puest su la piere dai comandaments (Riedo Pup, No sin bogns di fâ fieste)
-
ognidun dai cinc precets di fonde che la Glesie catoliche e impon ai batiâts dopo il setim an di etât
-
s.m.
(fig., ancje iron.)
ordin, norme e v.i. che al ven dât cun grande autoritât:
par fortune il comandament di odeâsi nol jere lât trop indentri tal spirt des popolazions, e al à bastât vierzi une sfese, par che la int di ca e di là e spesseàs a slungjâ il braç e a tornâ a strenzisi la man (Josef Marchet, Di ca e di là de stangje);
"Ogni dì une novitât, mil comandaments: ancje l'avocat al finìs cul capî nuie e jo mancul di lui: cuale leç valie? chê gnove o chê vecje, cui lu sa…" (Pieri Somede dai Marcs, L'avocat e la luianie)