coincidi
/-cì-/
co|in|ci|di
[CO]
-
v.intr.
jessi compagn o ecuivalent:
a doprin il teritori furlan par motivazions che no coincidin cul interès gjenerâl dal Friûl (Sergio Cecotti, La tierce cuistion furlane);
la stesse Associazion pe Autonomie furlane e veve scomençade une propagande impuartante par une regjon che e coincidès cul Friûl storic, de Livence al Timau (Oscar Puntel, La idee di une specialitât)
Sin. corispundi
-
v.intr.
sucedi tal stes moment o intun ciert moment, vê une corispondence temporâl:
a disin che al è miôr spietâ lis elezions aministrativis de Primevere dal 2015. Che a coincidaran ancje cul rignuviment dal Municipi di Sant Michêl e cul gnûf referendum che il comitât "Pro Friuli" al è rivât a otignî (il Cjargnel, Dome madracs par Sapade e Sant Michêl)