coeficient /-ènt/ co|e|fi|cient [CO]
- s.m. [TS] mat. grandece costante o dipendente di variabile che e opere suntune cuantitât in maniere di otignî une altre cuantitât: si partìs de jentrade catasticâl dal imobil, rivalutade dal 5%, e si le moltipliche par un coeficient di 160 intal câs di cjasis e abitazions (80 pai uficis, 55 pes buteghis, 65 pai imobii struturâi) (Mariannina Rocco, TASI: ce che e je e cemût che si paie)
- s.m. [TS] fis. cuantitât che e fâs di fatôr costant intes relazions tra grandecis fisichis, cuasi simpri dimensionâl: T al è il fatôr o coeficient di trasmission dal polaroid F2 (T=I tmax /I o, cun I tmax valôr massim de intensitât de lûs trasmetude) (Marisa Michelini, Alberto Stefanel, La polarizazion de lûs)
- s.m. [TS] sport nivel standardizât di dificoltât di un esercizi, che al corispuint ae assegnazion di un ciert numar di ponts
- s.m. [BF] cause che e jude intune cun altris a dâ un ciert efiet