clientele
/-tè-/
clien|te|le
[CO, TS]
-
s.f.
complès dai clients di une buteghe o di une ativitât economiche:
e veve tornât a cjapâ sù il lavôr di sartore, ma nol jere stât facil tirâ dongje une clientele intun paîs che nol jere il so (Carlo Sgorlon, Prime di sere);
[la camarele] e jere li che e lavave lis tacis vot oris in dì jenfri il ridi e il vosâ de clientele (Alan Brusini, Gian Paolo Linda, I forescj)
-
s.f.
[TS]
stor.
rapuart di protezion e dipendence che e leave un patron ai siei clients
-
complès des personis protetis di un patron
-
s.f.
rapuart di dipendence e di favoritisim personâl jenfri une persone potente e i siei favorîts, soredut in contrast cu lis leçs, cui merits obietîfs, cui interès gjenerâi:
cheste facoltât dal Olf e fo assegnade po aes Provinciis par favorî la clientele politiche provinciâl (Adrian Cescje, Memoriis di politiche linguistiche)
-
cuantitât di personis che a dipendin di un potent par vie di chel rapuart:
[i parlamentârs] si batin come leons par molzi bêçs e provedencis pes lôr clientelis, cence nissune pôre di jessi incolpâts di nepotisim (Antoni Beline, La eterne lote dai furlans)