clarinet
/-èt/
cla|ri|net
[CO, TS]
-
s.m.
mus.
strument a flât di len, dret cu la estremitât un pôc a trombe, cun clâfs e tascj di metal:
e cualchidun altri al sune cul sivilot di scusse o cul clarinet (Ugo Pellis, Dôs cjacaris di Vencul - Prefazion a Instoriis e liendis furlanis);
mi divertivi a cjapâ in man il mio clarinet e a fâi une sunade, e lui se la gjoldeve (Bepo Marion, Il nâs di siôr Simon)
-
musicist che al sune chel strument:
il clarinet plui anzian al cor sù e jù cun scjalis che a fasin i sgrisui e po al siere la sunade insiemi cun chei altris (Alan Brusini, Amîs come prime);
i sunadôrs, clarinet, armoniche e liron, a sunavin a dute onde (Roberto Ongaro, Cretevierte)