clandestin
/-ìn/
clan|des|tin
[CO]
-
adi.
scuindût o segret par vie che nol è permetût de autoritât:
lis feminis bielzà dai agns Vincj, cuant che il regjim fassist al cirive di snazionalizâ la culture slovene, a tignivin scuelis clandestinis tai boscs parcè che i fruts no pierdessin il contat cu la lenghe mari (Angelo Floramo, La Republiche Partigjane dal 1944: une lote ancje par furlan?);
cualchi malfamade cjase di zûc clandestine (Roberto Pensa, Sfide a poker sul futûr dal Friûl-Vignesie Julie)
-
adi., s.m.
che, cui che al fâs un viaç platantsi tun mieç di traspuart, soredut tune nâf, cence paiâ e cence autorizazion:
nol à podût fâ altri che imbarcjâsi tant che clandestin (Raffaele Serafini, Contis sot spirt)
-
che, cui che al passe une frontiere cence il permès des autoritâts:
il nestri Friûl al è il puarton di tiere par dulà che e jentre la plui part di chei che a domandin asîl ma ancje dai clandestins (Walter Tomada, Une vie furlane par frontâ la imigrazion)