cjargnel
/-èl/
cjar|gnel
[FO]
-
adi.
de Cjargne, de regjon di mont dal Friûl che e va di For di Sore e For di Voltri a Paulâr e Damâr, cjapant dentri i diviers cjanâi e lis diviersis monts:
nancje un centesim. Lis aghis cjargnelis a vegnin racuetis, manovradis e dopradis cence nancje domandâ un compermesso (Riedo Pup, In Friûl cul passepuart);
il film al met adun i tancj aspiets creatîfs e produtîfs de societât cjargnele cu lis bielecis di une nature incontaminade e salvadie (Fabian Ros, Gnovis cine)
-
adi., s.m.
che, cui che al è nassût, che al è a stâ in Cjargne o che al è origjinari de Cjargne:
lis primis elezions libaris, là che ancje lis feminis a votaran, no son stadis fatis par volê dal Stât Talian, finide la vuere, ma par spontanie iniziative dal popul cjargnel cul anticip di doi agns rispiet ae Italie (Angelo Floramo, Ri-cognossi la autonomie);
la braùre dai tiessidôrs cjargnei e jere ricognossude in dute Italie e in Europe (Erika Adami, Cjargne, tiere di tiessidôrs);
metût tal sen un macet di violutis rossis, a svolavin tal pradissit de Tencje, indulà che in grant ligrie a jerin za a spietâlis lis striis cjargnelis e chês dal Friûl (Catarine Percude, Lis striis di Gjermanie);
a fuarce di pocâ e di slungjâ francuts o rivi a dusinte francs taronts. Li mi fermi, dûr come un roc cjargnel (Arturo Feruglio, Viaç a Vignesie);
cjargnei cence Diu, cence Madone e cence ducj i sants dal paradîs;
ringraciìn il Pari eterni nonostant dut ce che al è sucedût, parcè che tant i furlans che i cjargnei a àn mantignût ancjemò l'afiet de lôr cjase (Francesc Placerean, Il popul furlan al à ancjemò nostalgjie des robis bielis e santis)
-
s.m.
indicazion gjeneriche des diviersis varietâts linguistichis furlanis tipichis de Cjargne:
al è un tierç pinsîr che mi sta ta la anime, parcè che inte fieste di vuê, chi, a Sant Pieri, vecje sede vescovîl de Cjargne, no si po no dî une peraule par cjargnel (Francesc Placerean, Il popul furlan al à ancjemò nostalgjie des robis bielis e santis);
nô o disaressin che Crist, se al fos vignût culì, se al lave in Cjargne, al fevelave cjargnel, no dome furlan (Francesc Placerean, I furlans a àn di preâ te lôr lenghe par cuistions di religjon e di dignitât)
Polirematichis e espressions idiomatichis