cjarcule
/-à-/
cjar|cu|le
[CO, TS]
-
s.f.
tess., mec.
pedâl dal telâr che al covente par movi i liçs:
par fâ la tela ugnula lavoravin cun dôs cjarculis; par chê spinada cun cuatri (Maria Paoluzzi, Telârs a Orsaria)
Var. cjalcule
-
s.f.
mus., mec.
pedâl di strument musicâl:
sul plui biel, che a cjantavin il Credo, al si è rot un sfuei [dal organet] e, par tant che il sunadôr al menàs sot vie chê uniche cjarcule che e funzionave, a vignivin fûr dal imprest nome vuacadis di cjan (Josef Marchet, Lis predicjis dal muini)
-
s.f.
(fig., iron.)
gjambe:
“Sù, ghemars, môf chês cjarculis” i zigave daûr (Maria Forte, Cjase di Dalban);
al jevà sù di colp, su chês dôs cjarculis discompagnis che al veve (Josef Marchet, I ocjâi dal nono)