cjapitani
/-tà-/
cja|pi|ta|ni
[FO]
-
s.m.
uficiâl dal esercit o de aviazion o di une altre fuarce armade, di grât parsore dal tenent:
i colps dai sclâfs a rivin di ogni sît e il cjapitani, […] al cor come un mat cu la rivoltele in man, sberlant: «Si salvi chi può!» (Alan Brusini, I ribei)
-
s.m.
comandant di une nâf:
il vecjo cjapitani, une sere dopo cene, intant che il soreli al lave a mont e che i ultimis rais i batevin propit te muse, si distirà su la prore de sô barcje (Alberto Antonelli, La storie dal scheletri);
Lis listis, compiladis de compagnie di navigazion, firmadis dal cjapitani e vistadis de autoritât di imigrazion, a son metudis in ordin di timp, par date di rivade de nâf tal puart di Buenos Aires (Javier Grossutti, La emigrazion dal Friûl - Vignesie Julie in Argjentine e in Uruguay)
-
s.m.
[TS]
stor.
te Ete di Mieç e Moderne, magjistrât che al jere da cjâf di une citât o di un teritori:
[il patriarcje Grivôr di Montlungje] al lassà che Vignesie i puartàs vie i dirits su lis citâts da la Istrie e che Riçart al deventàs so cjapitani gjenerâl (Josef Marchet, Cuintristorie dal Friûl fin sot la Italie);
nomenât cjapitani dai contadins in riviel intal Mai dal 1525, Gaismair al clame dongje une Diete tirolese là che al domande al arciduche Ferdinant di Asburc che ducj a sedin compagns denant de leç, che a sedin eliminâts i privileçs dai nobii, il dirit di elei i judiçs e i predis (Carli Pup, Teritoris - Oms di Libertât)
-
in Ete contemporanie, governadôr di un teritori, in particolâr sot de Austrie:
Faidut e Zanet - caporions de dutrine sociâl catoliche - a rivarin a organizâ i contadins e Faidut adiriture al deventà cjapitani imperiâl di Gurize e Gradiscje (Francesc Placerean, Cuintristorie dal Friûl dal 1866 fint in dì di vuê)
-
s.m.
[TS]
sport
tai sports di scuadre, zuiadôr che pe sô autorevolece al fâs riferiment pai siei compagns e pal arbitri:
il cjapitani de Italie tai mondiâi di balon dal '82 al jere Dino Zoff
Proverbis:
- bandiere viere onôr di cjapitani