cjantôr
cjan|tôr
[CO]
-
s.m.
cui che al cjante intune corâl o in glesie:
il predi al diseve messe par furlan. I cjantôrs a sparniçavin pal aiar notis di cjantis di chenti (Armando Turlon, Lis aghis verdulinis de Tor)
Var. cantôr
-
s.m.
cui che, te leterature orâl, al intraten e soredut al intratignive cjantant componiments che a contavin fats mitics, epics, amorôs, comics o di altre sorte:
il plui brâf e innomenât dai «Minnesänger» (cjantôrs di amôr), che al fo Walter von der Vogelweide, al passà cualchi timp in Friûl; (Josef Marchet, Cuintristorie dal Friûl dal 1866 fint in dì di vuê);
i poetis a tornin tai paîs come i cjantôrs popolârs, come i mestris di contâ storiis di une volte (Alviero Negro, La cjase);
contestoriis, cjantôrs ziremont e scritôrs minôrs che cu lis lôr puisiis, sataris o cjantis e àn indelegrât paîs, borgadis e fiestis (Ovidio Colussi, Pier Carlo Begotti, Il Strolic furlan pal 1997)
-
s.m.
(fig.)
cui che, cu la peraule fevelade o scrite, al celebre alc o cdn.:
Dino / no àn mai cjantât / come chest an i uciei. / […] / […] / E tu cjantôr / de Viarte e dal amôr / a no sintîju! (Alan Brusini, Corot par Dino)