cjanaipe
/-nà-/
cja|nai|pe
[AF, TS]
-
s.f.
bot.com.
non comun di plantis de famee des Canabaciis, spec. di Cannabis sativa, cul fros dret, ruspi e pelôs alt ancje plui di doi metris, che e ven coltivade pe sô fibre:
fâs ancje cheste prove: cjapiti sù cun lui a cjaval e vait a spas in campagne. Jentre cence pôre tun cjamp di cjanaipe e tibie dut cence dûl (Andreina Nicoloso Ciceri, I trê cjadreons - Racconti popolari friulani I)
Cfr. bersoli
, cjanaipat
-
s.f.
fibre, fîl e tiessût che si otegnin di chê plante:
cul britulin al preparave lis archetis pai uciei cun menadis di sanzit e filiduris di cjanaipe (Maria Forte, Il vivi al è chel rangjâsi);
lis dôs sûrs, sentadis sul cjâr, a tignivin a ments chê gruesse cjame, fissade cun cuardis di cjanaipe (Serena Fogolini, Un pês di spartî);
sô mari i veve za comprade la lane dal jet di matrimoni e al jere za mês che Betine i tiesseve i linzûi di cjanaipe (Pieri Menis, Sul agâr)
Cfr. canevele
, canepin
-
s.f.
plante de specie Cannabis indica, in particolâr cun riferiment aes sôs fueis secjadis e fumadis tant che droghe lizere:
bêf un tocai, une sgnape, pariti jù une bugade di cjanaipe, ma no stâ brusâti il çurviel cun miardis tant che il snaitul o il budiesac (Stiefin Morat, Donald dal Tiliment)