cjalderin /-ìn/ cjal|de|rin [CO]
- s.m. piçule cjalderie o piçul pignat avonde alt di meti a boli sul fûc: cuant che la aghe dal cjalderin e jevà il bol e butà dentri cualchi crodie cjatade tal armarat (Maria Forte, La aghe dal Ariul); e metè sù un cjalderin di vin cun brucjis di garoful par scjaldâ il stomi (Pieri Menis, Il forest)
- s.m. piçul recipient par licuits, ancje no di meti sul fûc: fruts e santui alore a scjampin di glesie e il vescul al reste bessôl cul plevan che i tignive il cjalderin dal vueli sant (Alan Brusini, Amîs come prime)