cjalce
cjal|ce
[AF]
-
s.f.
spec. tal pl., toc di vistiari di tiessût, tant che coton, lane, sede, sintetic…, che al cuvierç il pît e un toc de gjambe:
Zuan Batiste Sepulcri di Cjamplungut, cu lis cjalcis blancjis e i flocs colôr di rose in bande dai zenoi, cane, veladon […] al marcje di matine a buinore pe strade francje (Arturo Feruglio, I stivâi di Zuan Batiste);
la bluse ricamade, un pôc di decoltè, stole di pêl che coste no sai ce, cjalcis lungjis di sede trasparints e chest pâr di scarpins che lusin di vernîs (Emilio Nardini, La Signorine Mie);
mari e fie a gucjavin pe int dal borc: cjalcis pes feminis e cjalçuts pai oms (Pieri Menis, Cui si jerial impaçât cun Modestute?)
Cfr. cjalçut
, cjalcin
, scufon
, cjalcebraghe
-
s.f.
(estens.)
cualsisei lavôr fat cui fiers di gucje:
e son dongje il fûc, e tasin un pôc, Rosute e à cjapât sù i fiers e une cjalce e si met a gucjâ (Pieri Somede dai Marcs, Vilie di Nadâl (teatri))
-
sorte di sacut o borse di rêt fine o di tiessût:
i cais no ju semenave, ma al lave a sgarfâju cul sgrif di fier tes çocjis dai Precjariâts dulà che a jerin lis covis plui penzis e tes muracis dai Masons, content se al ingosave la cjalce pe cene (Maria Forte, Il vivi al è chel rangjâsi)
Proverbis:
- a Sant Simon si tire sù la cjalce e il scufon
- bisugne fâ la cjalce seont il pît
- cui che al à pôc fîl che al fasi cjalçuts e no cjalcis
- in Avrîl si bute la cjalce pal curtîl
- Sant Zorç si bute la cjalce fûr pe cort