cjaçadôr
cja|ça|dôr
[AF]
-
adi., s.m.
che, cui che al va a cjace, che al cope o che al cjape animâi salvadis:
[il cont] al lave spes a cjace e tantis voltis al lave pal bosc cun mio fradi bon cjaçadôr ancje lui (Pieri Somede dai Marcs, Resurezion a Pontinie);
tun piçul cabôt a jerin lis sclopis di so pari cjaçadôr (Checo Tam, Gjoldiments forescj)
-
adi., s.m.
(fig.)
cui che al va in cercje di alc:
un cjaçadôr di misteris (Checo Tam, X-Reihen)
-
s.m.
[TS]
milit.
soldât di fantarie o cavalarie cun armament lizêr, impleât in azions sveltis e precisis:
ai puescj avanzâts si dopra simpri de lis trupis lizeris: cjaçadôrs, soldâts di confin, ussars, ulans, chevauxlegers (cjavalizêrs) (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Proverbis:
- cent al jeur e une al cjaçadôr
- l'om al è cjaçadôr
- novantenûf il jeur e une il cjaçadôr