cinisim /-nì-/ ci|ni|sim [CO, TS]
- s.m. filos. scuele filosofiche svilupade in Grecie dai timps di Socrat fin al sec. VI d. di C., che e insegnave a refudâ ducj i desideris che a van cuintri de autonomie dal spirit, a dispreseâ convenzions sociâls e valôrs tradizionâi, a eliminâ dut ce che al fâs cressi lis dibisugnis dal individui
- s.m. [CO] morâl caraterizade de mancjance totâl di rispiet o di considerazion di ideâi e di convenzions, de ricercje dome dal interès individuâl o materiâl: […] cinisim ancjemò plui alt di chei imprenditôrs che dopo dal taramot di L'Aquila a ridevin e a gjoldevin pensant al vuadagn che a varessin vût cu la ricostruzion (Marc Stolf, Barcelone 9/11, Parîs 13/11, Europe 2015. E pal 2016?); Come dutis lis crisis, ancje la nestre - magari cussì no - e je prin di dut culturâl e morâl, e e scomence dal cinisim di buine part dai sorestants, che a somein plui interessâts al lôr destin personâl che al ben comun (Roberto Muradore, Il taramot cidin che al à sdrumade la nestre economie)