cinic
/cì-/
ci|nic
[CO, TS]
-
s.m.
filos.
cui che al leve daûr de scuele filosofiche dal cinisim, svilupade in Grecie dai timps di Socrat fin al sec. VI d. di C., che e insegnave a refudâ ducj i desideris che a van cuintri de autonomie dal spirit, a dispreseâ convenzions sociâls e valôrs tradizionâi, a eliminâ dut ce che al fâs cressi lis dibisugnis dal individui
-
adi.
che al è propri di chê scuele filosofiche e dai siei esponents:
al pareve un de scuele stoiche o ciniche. Nol veve mai bisugne di nuie, e ancje lis necessitâts dal vivi, come mangjâ, bevi, durmî, i parevin alc di secondari (Carlo Sgorlon, Ombris tal infinît)
-
adi., s.m.
[CO]
che, cui che al mostre di no tignî cont di ideâi e di convenzions morâls e che cun fredece al va daûr dal interès individuâl o materiâl:
l'ingranaç impietôs di cheste societât ciniche e eficientiste ti masane e ti sfracaie (Antoni Beline, Sant Jacum, là che al finìs il mont);
une reson di stât ciniche e pragmatiche (Fabian Ros, La invenzion dal stât)