Dizionari de Lenghe Furlane

cinccent  /-ènt/  cinccent  [FO]

1. s.m. numar che al corispuint a cinc centenârs e simbul grafic che lu rapresente
2. adi.num., pron.num. in cuantitât di cinc centenârs di unitâts, ancje cun valôr sostantivât o cun sostantîf sotintindût:  daspò un an di vite ducj i oms e lis feminis cu la lôr bocje a puedin fâ plui di cinccent sunôrs diviers che a puedin jessi doprâts intune lenghe (Franc Fari, Il cjâf dai furlans); a vevin firmade la Mozion dal clericat furlan in plui di cinccent tal 1967 (Adrian Cescje, Memoriis di politiche linguistiche); in cetancj lûcs de Patrie i contadins si dan dongje in grups di cinccent, mil e fintremai doi mil di lôr e a menacin di "taiâ a tocs prelâts, zentiloms, cjastelans e citadins" (Carli Pup, Il Friûl de Joibe Grasse dal 1511); Marchin al à let sul gjornâl che la galete chest an le paiaran mil e cinccent francs al chilo (Pieri Somede dai Marcs, Il prossim)
   
   1. adi.num., s.m. ancje cun valôr di ordenâl o identificatîf intune serie o intune categorie
      Sin. cinccentesim
3. s.m. [BF] ultin an dal cuint secul, in gjenar intindint dopo di Crist
   
   1. [BF] pal solit cun iniz. maiusc., il secul sest dopo Crist
   2. [FO] plui dispès, pal solit cun iniz. maiusc., il secul decim sest dopo di Crist:  a un tîr di sclope des cjasis, e je la gleseute di S. Pieri, une costruzion dal Cinccent cuntune cjampanute sul colm de façade e un puartiut davant de puarte (Josef Marchet, Lis predicjis dal muini); stradutis impiadis di lampions a sclarî palaçs dal Cinccent, voltis, arcadis, glesiis (Nadia Pauluzzo, Gjiografie pierdude)
      Sin. mil e cinccent
4. s.f. veicul cun motôr di model 500 cc di cilindrade, soredut in riferiment ae machine de FIAT:  cuant che o soi lât vie jo, al jere deventât un mieç capitalist e nol leve plui in "Topolino" ma in "Cinccent" (Antoni Beline, Pre Pitin)