cinês
ci|nês
[AF]
-
adi.
de Cine:
l'esercit cinês, dopo de rivoluzion di Mao Zedong, al ocupà la provincie [il Turkestan] tal 1949 (Alessio Potocco, Speciâl minorancis in Cine/2)
-
adi., s.m.
che, cui che al è nassût o al è a stâ in Cine:
mi spiegave che la maiorance dai cinês, 1.050.000.000 e je di etnie Han (Bruno Sedran, Viaç in Cine)
-
s.m.
buteghe, in gjenar bazâr, o ancje ristorant, tignût di personis che a vegnin de Cine:
si son cjatadis par câs, li dai cinês, cuasi vergognosis di jessi dutis dôs a sgarfâ tal batibui di stupidagjinis che a jemplin lis casselis des ufiertis (Raffaele Serafini, Soreli jevât a mont)
-
adi., s.m.
lenghe asiatiche uficiâl de Republiche de Cine e di Singapôr:
Un puest viart, dulà che la int ven e zuia di cjartis e favela cui par sloven, cui par arabic, cui par gurizan, cui par talian, cui par todesc, cui par furlan, swaili, cinês, rus! Dut va ben (Stiefin Morat, Donald dal Tiliment)