chirurgjie /-gjì-/ chi|rur|gji|e [CO, TS]
- s.f. med. part de medisine e pratiche mediche che si met in vore cu lis operazions, cui procès terapeutics che a compuartin un intervent mecanic, manuâl o strumentâl: o consultai un dotôr in chirurgjie (Pieri Çorut, Il Strolic mezan par l'an 1866); si varès di fâ cu la nature ce che si sta fasint cu lis personis tal cjamp de chirurgjie o de midisine. Il brâf chirurc vuê al interven in maniere simpri mancul invasive, di mût che l'organisim al patissi mancul pussibil (Roman Michelot, Tiliment o vascjons?)
- s.f. med. repart di ospedâl pai pazients che a àn di fâ o che e àn vût fate une operazion: al tirà dilunc di buride e si cjatà te sale di spiete: un larc jenfri dôs riis di cjamaris tal mieç dal repart là che e tacave la chirurgjie dai umigns (Amedeo Giacomini, Tal ospedâl)